Kaozumi Biografi

Dian Ningsih indriani. Itulah namo nan di agiah dek Urang tuo. Ado nan manyabuk, namo jawa nan dapek di ambo. Anak bunsu dari anam basudaro. Nan laia 8 April 1989 barabuik Sanjo.  Sajak kaciak, tasabuik tangka jo kareh kapalo, tapi indak palawan ka urang tuo. Untuang-untuang lai rancak Maso depannyo. Mambaleh guno juo lah handaknyo…

Kok sikola, umua limo taun lah di TeKa. Suluh Budi Talang lah namonyo. Satamaik TK Malanjuik’an ka SD 21 Aro Talang. Kok SMP di SMP 1 Gunuang Talang. Sasudah tu Malanjuik’an ka SMKN 1 Gunuang Talang. Yolah badaso Urang Talang, Gadang di Talang. Sikola di Talang. Sampai Gaek yo ka di Talang. Anak nagari Talang. Urang Solok Tulen.

Dian Kaozumi, nick name ambo. Ampun Mandeh,, Bukan indak maharago’i namo pambarian mandeh.. Tapi denai hanyo nak punyo namo keren di era canggih ko.. Denai bajanji, walaupun zaman lah barubah, patuah ambo, cinto ambo indak ka barubah ka Mandeh jo Ayahando…

Ayah jo Mandeh Kanduang sibiriang tulang, paubek jariah palarai damam,, ridhoilah ambo mancari ilmu di rantau urang, bajauah jarak dari ayah jo mandeh.. tapi nan dihati, nan dijantuang, nan dimato, do’a ambo indak putuih untuak ayah jo bundo..

Ondeh Tuhan nan kuaso, jadikanlah ambo anak nan paguno. Padusi minang nan baiak budi bahasonyo. Rancak parangainyo. Taragak di urang nan banyak… Dipakai di masyarakaik.

Amin